Tlabung khawtlang hruaitute chuan, an khuaa damdawi-in thar sak zawh tawh ang ang chu hman mai theiha peih a ni tawh niin an sawi a, a hma thei ang bera luah an duh. Tlabung VC, YMA, Tlabung Progressive So-ciety hruaitute chuan tun hnai khan an khaw damdawi-in sak thar chu tlawhin an enfiah a ni.

Tlabung khawtlang hruaitute chuan, dam­dawi-in luah lai chu a hlui tawh avang leh a chhiat tawh avangin luah zui reng him loa an hriat thu an sawi a; mipa enkawlna leh hmeichhia enkawlna pindana tukverh­te chu khâr theih loh a awm nual bakah, electric current hrui pawh zam ṭhat ngai vek a nih tawh thu an sawi bawk.

Tlabung khawtlang hruai­tute chuan, Tlabung damdawi-in chu a vaia sak ṭhat ni lo mah se, tun dinhmuna sak thar hmun ṭhenkhat lai chu damlo enkawlna atan luah thuai a nih theih nan sorkar hotute'n hma la se an duh a ni.

Share this Post