Covid-19 Ordinance 2020 bawhchhia Police leh LTF-in mi 13,362 man tawh

Police chhinchhiah danin, The Mizoram (Containment and Prevention of COVID-19) Ordinance, 2020 bawhchhia nimin zing dar 9 thleng khan police leh local task force (LTF)-in mi 13,362 an man tawh a, an pawisa chawi belhkhawm chu Rs. 29,16,000 a ni.

Covid-19 Ordinance hi May 4, 2020-ah hman ṭan a ni a; hman ṭan a nih aṭanga dan bawhchhia nimin zing dar 9 thlenga man tawh zingah Aizawl district-a man tam berin, mi 6,078 an ni a, an pawisa chawi zat pawh Rs. 14,12,200 a tling. Dan bawhchhia man tlemna ber district Kolasib-ah chuan mi 351 man a ni a, pawisa chawitir zat pawh tlem berin Rs. 35,300 a ni.

June 28, Pathianni zing dar 9 aṭanga nimin zing dar 9 inkar bikah mi 119 man an ni a, pawisa chawitir zat chu Rs. 24,200 a ni. Covid-19 Ordinance Section 4(1) - vantlang hmuna hmai tuam lo mi 101 manin, Rs. 10,100 chawitir a ni a, Section 4(2) - social distancing zâwm lo mi pali manin, Rs. 400 chawitir a ni. Section 4(3) - vantlang hmuna chil chhâk mi pakhat manin, Rs. 300 chawitir a ni a; dan dang bawhchhia mi 13 mante chu Rs. 13,000 chawitir a ni bawk. 

Covid-19 chungchanga dan bawhchhia Pathianni zing leh nimin zing inkara man zawng zawngte chu police (flying squad) man vek an ni a, local task force-in man an nei tawh lo.

Covid-19 dan bawhchhia man zat

Aizawl6,078Rs. 14,12,200

Lunglei947Rs. 2,24,800

Siaha492Rs. 89,900

Champhai683Rs. 1,30,100

Kolasib351Rs. 35,300

Serchhip1,148Rs. 1,60,200 

Lawngtlai1,092Rs. 1,19,000

Mamit665Rs. 90,700

Saitual395Rs. 1,22,900

Khawzawl508Rs. 52,700

Hnahthial534Rs. 57,800

Traffic469Rs. 4,20,400

TOTAL13,362Rs. 29,16,000




Share this Post

Login to comment
No Comments