Kum 5 hnuah kan sorkar leh dawn - MNF Vice President

MNF vice president Vanlalzawma chuan nimin khan Mizo Hnam Rûn chhung inkhawmah thu sawiin, MNF party chu kum nga hnuah a sorkar leh dawn niin a sawi.

Vanlalzawma chuan, "Kum nga a liam leh meuh chuan kan sorkar leh dawn niin a lang. Kan sûkthlêk en hian lehkhathiam tamna state ang deuhin kan kalphung hi a inher danglam dawn niin a lang," a ti.

MNF Vice President chuan, Kerala, Karnataka leh Tamil Nadu-te thlirin, kum nga zela roreltu inthlak chho ang deuhin Mizoram pawh a kal chho dawn nia a lan thu a sawi a, "ZPM sorkar pawh hian thil a ti ṭha viau mai. Amaherawhchu, hun han kal deuh se, mipui sûkthlêk a danglam chho zel dawn a ni," tiin a sawi.

MP inthlan awm turah MNF party-ah buaina tur a awm lo nia sawiin Vanlalzawma chuan, "Kan hotuten uluk takin an ngaihtuah dawn a, can­didate an ruat dawn a, chu chu thuawih takin kan pawm mai tur a ni. MNF chu thuawih thei leh discipline nei ṭha kan ni," a ti.