India rama paraglider naupang berte zinga mi Samuel Lalbiakhlua

Samuel Lalbiakhlua (11) s/o MS Dawngzuala, Saitual chuan March 16, Inrinni zing khan Bir Biling, Himachal Pradesh-ah amah chauha paragliding khalhin a thlâwk a, hlawhtling takin a ṭum. 

India rama paraglider naupang berte zinga mi a ni. Thu dawn danin, Samuel Lalbiakhlua hi December 16, 2012-ah a piang a, March 10, 2024 aṭangin TT School of Paragliding, Bir Billing, Himachal Pradesh-ah paragliding a zir ṭan a, chawlhkar khat chhung a zir a, amahin a thlawk chhuak nghal.

A thlawhna hmun hi Asia rama paragliding site sang ber a ni a, khawvela sang ber dawttu a ni. Vawi nga a thlawh chhuah hunah tuna a zir mek chu a zo ang a, a taksa a rih deuh hunah course sang zawk a zir leh ang.