Kolasib district-ah zirlaibu sem ṭan

Kolasib District SSA Mission-in an district chhunga zirlai 12,751 hnena zirlaibu a thlawna an sem tur chu, Nilaini khan phurh chhuah a ni a, DC H Lalengmawia’n a vai liam.

Zirlaibu sem chhuah puala inkhawm tawi buatsaih chu Kolasib DPC JR Lalhruaitluanga’n kai-hruaiin, H Lalengmawia chuan zirlai nu leh pate chu an faten a thlawn-a lehkhabu an dawn chu duhtawk mai loa, an lehkhabu dawn chu an hman ṭangkai leh ṭangkai loh enzui pui turin a chah.

Zirlaibu sem tur hi hi Mizo medium-a pawl 1
aṭanga pawl 8 zirlai 9,794, English medium-a pawl 1 aṭanga pawl 8 zirlai 2,477, Nepali medium-a pawl 1 aṭanga pawl 8 zirlai 196 leh Bengali medium-a pawl 1
aṭanga pawl 8 zirlai 284 te hnena sem tur a ni.

Zirlaibu hi Mizo medium-ah science subject leh English medium-ah mathematics leh grammar subject sem tel a la ni lo.