Aizawlah Fire Service Week hmang

Fire & Emergency Services department chuan nimin khan zing khan Hunthar Venga an hmunpuiah director Neihchungnunga hoin Fire Service Week hawnna inkhawm an hmang a; Fire & Emergency station dangahte an hmang bawk.

Fire Service Week hawnna inkhawmah hian India rama kângmei chhuak ṭhelhnaa thite sûnna hun hman a ni a, India ram pumah mi panga sûn an ni.

Fire Service Week hi India ramah April 14-20 chhung hman
ṭhin a ni a, Week pualin kângmei chungchanga mipuite hriat tur pawimawh inzirtirna hun hman ṭhin niin, kuminah chuan thupui chu 'Kângmei veng la, ram hmasawnna thlentu ni rawh' tih a ni.

April 14, 1944 khan Bombay (Mumbai)-ah 'The Great Bombay Dock Explosion' tih thlengin, Bombay-a lawng chawlhhmun-ah thil puak vangin kangmei rapthlak tak a chhuak a, lawng lian 12 kâng chhiain, mi 500 vel an thi a; thi zingah Bombay Fire Brigade-a mi 66 leh Bombay Salvage Corps-a mi 11 an tel. He chhiatna thleng hriatrengna ni pahin, April 14-20 chhungin India ram pumah Fire Service Week hman
ṭhin a ni.