Teirei Forest aṭangin Hruaitluang khua

Mamit district-a khaw pakhat, Teirei Forest tih ṭhin chu Hruaitluang khua tiin a hming thlang a ni.

He khua hi village council hran neiin an inrêlbâwl thar a, khaw hming thar hi April 13, 2016 khan bialtu MLA John Rotluangliana'n a puang.

Teirei Forest hian sorkarin V/C a pek avangin an khaw hming thar neih an duh a, bialtu MLA rawtna 'Hruaitluang' tih chu an pawm a ni. Khaw hming thar lawm nan hian April 13 khan John Rotluangliana hoin khawtlangin ruai an ṭheh a ni.

Minister hian nimin khan Tuipuibari khua a tlawh a, nizan khan Andermanik-ah a riak a ni.