Garage-ah motor 8 a kâng

Nilaini zan dar 11:30 vel khan Robert Zosangliana, Venghlui garage-a dah lirthei pariat a kâng.

Thu dawn danin, garage-a lirthei kângte chu - WagonR car pakhat, Bullet bike pali, scooty pahnih leh Karizma bike pakhat a ni a; a vaiin a kâng chhe hlawm hle a, thawm ṭhat tlak a awm loa ngaih a ni.

Lirthei kangte hi mi hâl luih nge, petrol rûk tumte'n an tihkan hriat a ni lo a; Aizawl Police Station-ah thubuai ziah luh niin, he thu ziah lai thleng hian rinhlelh man an la nei lo.