Athlete of the Year LeBron James

America rama kar tin chhuak chanchinbu Time chuan LeBron James chu 2020 Athlete of the Year atan a thlang. James hian tun kartir lam khan Sport Illustrated Sportsperson of the Year chawimawina a lo dawng tawh bawk.

James-a'n season hmasa khan Los Angeles Lakers chu NBA nomawi a chawipui. Lakers hi team ṭha tak ni ṭhin mah se tun hnaiah an tlahniam a, James-a'n khai chhuak lehin season 10 hnua a vawi khat nan hlawhtlinna hi an chang.

Kum 35 mi James hian tun hnai khan Lakers tan contract a ziak thar a, tunah chuan beiseina sang tak nen season thar atan inbuatsaihna an nei mek. Lakers hian season thar an match hmasa ber atan December 23 hian Los Angeles Clippers an hmachhawn dawn a ni.