Regional Workshop on Substance Abuse Prevention

Mizoram Social Defence & Rehabilitation Board buatsaih ni hnih awh 'Regional Workshop on Substance Abuse Prevention’ chu nimin khan MSD&RB training hall-ah khar a ni a; workshop-ah hian Mizoram chhunga YMA Branch hrang hrang aiawh mi 20 leh Mizoram pawn Zampui tlangdung, Tripura aiawh mi pali an tel.

Workshop-ah hian Mizorama dan loa ruihhlo tawlhruk (trafficking route) te, ruihhloin mihring taksa/thluak a nghawng dan leh ruihhlo ngaite enkawlna chungchangte zirho a ni a; kalkhawmte hi mahni awmna veng/khuaa kohhran leh khawtlang/YMA-ah zirtirna pe chhâwng thei tura beisei an ni.

DHME joint director Dr Ruth Lalmuanpuii (Psychiatrist), Excise & Narcotics joint commis-sioner Peter Zohming-thanga leh Synod Hospital medical superintendent Dr RL Sanghluna-te'n ruihhlo chungchanga hriattur pawimawhte an sawifiah a; nimin khan workshop-a telte hian Synod Hospital K-Ward ah ruihhlo ngai damlote enkawlna an tlawh bawk.