Saitual MCMC-in Lok Sabha MP inthlan sawiho

Saitual District Level Media Certification & Monitoring Committee (MCMC) chu an chairman Dr Lalngura Tlau, district bawrhsap hoin nimin khan a pisaah an ṭhukhawm a; Lok Sabha MP inthlanpui lo awm tur atana hmachhawpte an sawiho.

Dr Lalngura Tlau chuan, kumina Lok Sabha MP General Election lo awm tur atan print & electronic media-a advertisement rate felfai tak siam a ṭul thu a sawi a, "Election Commission of India (ECI)-in inthlanpuiah candidate-te'n sum an hman theih zat bituk a siam ṭhin a, party tinte'n media lama an senso chhût nan media atana an hman man chu lo endik pawh a pawimawh hle," a ti a; Mizoram tan MP pakhat chauh thlan tur ni mah se, ECI chuan a ngaih urhsun avangin thâ thlah loa ṭan lak a ṭul thu a sawi.

He hunah hian MCMC awmzia, a hnathawh dan tur leh MLA inthlanpuia MCMC hnathawh dante sawihoa thlirlet a ni a; hun remchang hmasa berah print & electronic media-a advertisement rate chungchang sawiho leh ni se, an ti.