PRISM party chuan thuchhuah siamin, Mizoramah mipui ni tin mamawh thil chi hrang hrang man pung nasa lutuk chu mipui náwlpui tan harsatna thlentu a nih avangin hma la thuai turin Mizoram sorkar an ngen.
PRISM chuan, Covid-19 hripui léng vanga inkhârkhip a nih avangin hna thawh a harsa a, chu chuan sum harsatna a thlen tih sawiin, "Inhlawhfa chawp leh ni tina ei dap tan harsatna a thlen nasa zual. Hetih lai hian, ni tin mamawh a tlém a, nasa takin thil man a pung thung. Thil ṭhenkhat phei chu a lêt aia nasain a hma aiin a to tawh a ni," an ti.
"Fak tlâk khawpa sorkarin Covid-19 doa hma a lak laiin thil man pung zêl lam hi a ngaihsak tâwk lo niin a lang. Mipui harsatna hriaa thil man pung zel veng tura hmalak hi sorkar mawhphurhna a ni," tiin, Mizoram sorkar chu thil man thunun turin an ngen a ni.
Login to comment
No Comments