Kan hmaah mawhphurhna lian tak a inchhawp dawn - Lalliansawta

ZPM hruaitu hlui leh tharte chuan nimin khan an pisa-ah mawhphurhna an inhlan a, president Lalliansawta chuan an hmaah chona lian tak a in chhawp chhoh dawn thu a sawi.

Lalliansawta chuan an party mipuite'n an party kaihhruai hna an kuta an dah chu ropui a tih thu sawiin, "Kan hmaah chona lian tak a in chhawp chho zut dawn a, hna kan ngah dawn hle a ni. Mipuiten sorkar an siam angin kan sorkar hi thawhpui a, tichak zual zel turin theihtawpin i ?ang tlang ang u," a ti.

ZPM President chuan hruaitu thlan tharte aiawhin an party worker zawng zawngte thlawpna leh finchhuahna ngenin, thawhhona ?ha nena an kal zel chuan, MP, VC, AMC, LMC leh kum 2028 MLA inthlanah pawh an chak zel a beisei thu a sawi.

Mawhphurhna inhlanaah hian vice president kal chhuak Dr Kenneth Chawng-liana, treasurer kal chhuak C Lal?anpuia leh secretary general kal chhuak PC Vanlalruatate'n duhsakna thuchah an sawi.

Tarlan tawh angin kum 2024-2027 chhunga ZPM hruaitute chu president Lalliansawta, vice president W Chhuanawma, VL Zaithanzama leh C Lalnunnema, treasurer Lalchhuanthanga leh secretary general Valalneiha Ralte-te an ni.