Law zirlaiten legal talk buatsaih

Nimin khan Student Bar Council leh Special Academic Programme Committee, Govt. Mizoram Law College (GMLC)-te buatsaihin GMLC legal chamber-ah 'legal talk' hman a ni a, Aizawl chief judicial magistrate Lalrochami Ralte-in a hman pui.

Lalrochami Ralte chuan dan lamah Mizoten hma kan sawn nasat tawh dante sawiin, zirlaite chu an mihringpuite dikna chanvo humhim nana bei tur leh dikna tungding tura ke pen turin a fuih a ni.

Legal talk hi hun hniha hman niin chawhma lam chu 'Symposium on Sustainable Development Goals and the Role of Law in its Implementation' tia hun hman a ni a, chawhnu lam chu 'Legal Awareness on Laws Related to Children' tia hun hman a ni.