Chapchar Kût run buatsaih

Nimin khan Aizawlah Chapchar Kût Run buatsaih a ni a, he hun puala Lammuala inkhawm tawi buatsaih chu Sports & Youth Services minister Lalnghinglova Hmar-in a hman pui.

Lalnghinglova Hmar chuan hnam hrang hrangin mahni pual kût kan neih thu sawiin, "Tunhma leh tun huna lawm dan erawh a inang vek tawh lo. Mizote'n kût chi hrang hrang kan neih zingah Chapchar Kût hi kût ropui leh ngaihhlut hlawh ber a ni. Mahni kût ngaihlua chawilar thiam apiangte'n an hlut," a ti.

Kût chu hnam ziarang chawinunna leh inawmtleina bakah khualhiptu pawimawh tak a nih tel thu sawiin Lalnghinglova Hmar chuan, "Chapchar Kût hi a nihphung leh ziarang hloh chuang si loa kan cheimawi thiam poh leh a hlu zual dawn," a ti a, Chapchar Kût lawm rualin pipu nun mawi aia upa zah leh zonunzemawi tak takte uar zel a pawimawh thu a sawi.

Chapchar Kût Run hi ṭhuang hniha neih niin, Chanmari leh Sikulpuikawn aṭangtein Lammual panin an tlan.

CYMA general secretary Prof. Malsawm-liana'n Chanmari aṭanga tlante hi kaihruaiin, CYMA vice president Prof. Lalnuntluanga'n Sikulpuikawn aṭanga tlante hi a kaihruai thun.