Lirthei fee ngaihhnathiam rih tur

Transport minister TJ Lalnuntluanga chuan, Covid-19 inkhàrkhip avangin sorkar laipuia Ministry of Road Trans­port & Highways-in February 1 - June 30, 2020 chhunga lirthei document thite chu ngaihhnathiam turin a ti a, chumi ang chuan Mizorama lirthei document thite man loa tlantir zel an nih thu a sawi.

TJ Lalnuntluanga hian nimin khan a bial a fannaah lirthei document thite ngaihhnathiam chung­chang a sawi a, "CM Pu Zoramthanga, Finance minister ni bawk hmalaknain mipui harsatna sutkian nan a hun taka lirthei chhiah pe lote late fee ngaihhnathiam a ni," a ti a; late fee cháwi loa tax/fee Transport department-in a lâk ngawt chu dan angin a rem lo tih a sawi.

Sum kaihhnawih thilah Finance department phalna lâk hmasak zel a ngai tih sawiin Mi­nister chuan, "Audit hmachhawn leh ṭhin a nih avangin Transport department hian amahin hma a la ngawt thei lo," a ti a; late fee chawi loa fee pek theih a ni chu lirthei neitute'n an hman ṭangkai ngei a beisei thu a sawi bawk.



Share this Post

Login to comment
No Comments