Vairengte kaltlanga haw mi 1,200 chuang

Mizoram sorkarin India ram chhung state danga Mizo tangkhangte haw a phalsak hnuah mi ṭha­hnem tak an rawn haw tawh a; Vairengte kal­tlangin mi 1,200 chuang an rawn haw tawh.

Vairengte medical screening point-a duty medical officer Dr C Vanlalhlimpuia'n Vanglaini palai zawhna chhanga a sawi danin, May 20, Nilaini zan dar 9 thleng khan state páwn aṭanga rawn haw, Vairengte screening point-a enfiah hnua Mizorama lut tawh zat chu mi 1,218 an ni.

Vairengtea screening point-ah hian englai pawhin duty an awm tih sawiin Dr C Vanlalhlimpuia chuan, "Mi ṭhenkhat chuan zanah a luh theih loh emaw an ti niin a lang a, chhunah chauh ni lo, zanah, zan reiah pawh a luh theih a, anmahni lo endiktu tur medical duty an awm reng a ni," a ti. Chutih rualin, Mizoram sorkara Home department hriatpuinaa haw ni lote chu gate paltlang phal a nih loh thu a sawi.

Vairengte kaltlang ni lo, Bairabi lam te, Khawkawn lamte leh Mamit district lam kaltlanga haw mi ṭhahnem tak an awm bawk.

Vairengte kaltlanga

Rawn haw tawh zat

(May 20, 9:00 pm)

DistrictHaw zat

Aizawl607

Lawngtlai171

Siaha130

Lunglei124

Kolasib80

Serchhip45

Champhai38

Mamit6

Saitual6

Khawzawl6

Hnahthial5

TOTAL1,212



Share this Post

Login to comment
No Comments