PM-in Qatar a thleng; Qatar nena thawh dunna ṭha zawk zawng dawn

Prime Minister Narendra Modi chuan Nilaini zan khan Qatar a thleng a, Qatar Prime Minister, Sheikh Mohammed bin Abdulrahman Al Thani nen inbiain, ram pahnihte tana thawh dunna ṭha zawk neih dan kawng an sawi dun.

PM Modi hian kum 2014-a sorkarna an siam hnuah Qatar hi a vawi hnih tlawhna a ni a, June 2016 khan Qatar hi a lo tlawh tawh a ni. External Affairs Ministry thupuangtu, Randhir Jaiswal chuan PM-in Qatar a tlawh thu hi puangin, Qatar Prime Minister leh Foreign Minister te nen inkawmna hlawk tak an hman thu te, ram pahnihte'n insumdawn tawnna chungchang bakah, energy leh finance chungchangah te thawh dunna ṭha zawk neihna tur kawng zawnga an inbiak thu a sawi a ni.

Qatar-ah hian PM Modi hi ni hnih a cham dawn a, Qatar PM Sheikh Mohammed bin Abdulrahman Al Thani chuan nimin khan chawhlui a buatsaihsak bakah Qatar Emir, Sheikh Tamim bin Hamad Al Thani nen inkawmna hun an nei bawk.