Tamil Nadu Assembly-in One Nation, One Election dodalna resolution pass

Tamil Nadu Assembly chuan session neih mekah Nilaini khan lungrual takin sorkar laipui hmalakna, 'One Nation, One Election' dodalna resolution an pass. He resolution an pass rual hian 2026 census behchhana constituency ṭhen hran (delimitation) neih tum dodalna an pass tel bawk.

Assembly-a resolution an pass-ah hian,"He House hian sorkar laipui chu 2026-a census neih hnua census mila constituency ṭhen hran an tum hi kaltlangpui lo turin kan ngen a ni. Loh theih loh avanga mihring awm zat avanga seat hi tihpun a ngai a nih chuan tuna state assembly leh parliament house pahnih inkara ratio hman lai ang hian, 1971 mipui awm zat mila kalpui ni se kan duh," tiin an tarlang. Resolution-ah hian One Nation, One Election duh lohna pass bawkin,"He house hian sorkar laipui hi 'One Nation,One Election' hmang lo turin a ngen bawk a ni. He hmalakna leh thil tum hian democracy a kalh tlat a, hman tlak pawh a ni lo. India constitution a kalh bawk a ni," an ti.