'Deadpool & Wolverine' trailer-in record a siam

Marvel Studio kutchhuak, 'Deadpool & Wolverine' trailer chu tihchhuah a nih aṭanga darkar 24 chhungin mi maktaduai 365-in an view a, trailer view ngah chak ber record a siam.

A hmaa film trailer entu nei chak ber record siamtu chu Sony/Marvel Studio siam, 'Spider-Man : No Way Home' kha a ni a, darkar 24 chhungin mi maktaduai 335-in an view a ni.

'Deadpool & Wolverine' hi Supew Bowl neih lai khan tihchhuah niin, minute 2.25-a rei a ni. Super Bowl neih lai hian film ngaihven hlawh dangte trailer tihchhuah a ni bawk. Heng zingah hian Ryan Gosling channa, action thriller 'The Fall Guy', Arianda Grande leh Cynthia Evio chanan, musical 'Wicked Part 1', leh 'Kingdom of the Planet of the Apes' te an tel.

Ryan Reynolds leh Hugh Jackman channa, 'Deadpool & Wolverine' hi July 26-ah theatre-ah tihchhuah tum a ni a, Shawn Levy direct a ni. A changtu zingah hian Emma Corrin, Morena Baacrin, Roh Delaney, Leslia Uggams, Karan Soni leh Matthew Macfadyen te an tel bawk.

Kum 2016-a tihchhuah, Deadpool khan domestic-ah USD mtd 132.4 la lutin, R-rated film zingah sum la lut tam record a siam. 2018-ah Deadpool 2 chhuak lehin, tlangzarh karah USD mtd 18.6 a la lut bawk a ni.