Mamita kawng siam mek enho

Mamit District MJA member-te chuan February l4, Nilaini khan Mamit khawpui chhung chhuah lam leh tlak lam kawngpui siam hnathawh mek, PWD Mamit Division-te enkawl chu nimin PWD hotute leh contractor-te nen a hmunah an enho.

Mamit MJA tarlan danin, he kawng siam hna hi March 3l, 2023 ah thawh tan niin, March 3l, 2024 a thawh zawh tura ruahman a ni. Tuna hna kallai mekah 93% an thawk zo tawh niin PWD hotute chuan an sawi.

Mamit Ring Road hnathawh ah hian blacktop a tel lo a, widening, culvert & retaining wall siam hna thawh zawh tawh a ni. WBM phah hna thawh mek niin, tunah hian tlak lam hi thawh zawh tawh a ni a, chhuah lam an thawk mek.

An hnathawh ah mipui lamin ṭha tawk lo leh lei an phah ni a sawi awm chu MJA-te hian a hmunah enin an zawt chiang a, an work manual-in a phal ang leh siam dan tur nia a sawi anga thawh a nih thu leh an hmanraw hmante a chhiat loh hnathawktute chuan an sawi.

Blacktop nghal theihna tur sum a awm loh vangin tuna an thawh chinah sum awm dan nen a enin a ṭha thawkhat niniah Mamit MJA chuan an ngai.