GIG Motors-in motor an hlan

GIG Motors chuan nimin khan Edenthar Venga an showroom-ah Transport department hnenah cheng nuai 13 man Maruti Ciaz an hlan a, department aiawhin director R Lalrammawia'n a dawng.

John Lalpeka chuan sorkar sum harsatnate an hriatpui ve thu sawiin, "Kan tih theih tawkah khua leh tui ṭha nih kan duh vena nen; kan nghen hnai tak Transport dept. hi motor pek hi nikum lam aṭangin kan rilruah a awm tawh a ni. Mahse, sorkar dan leh dun tihfel ngai a tam avangin kan pe lawk thei lo a, tihfel a nih hnuah kan inpe thei ta a ni," a ti.

Transport Director chuan lirthei nei chhiah pe ṭha lo an tam thu sawiin, "Hnam dangten min rawn audit a, kan hnam hmel a mawi loh phah ṭhin. Chhiah pe lo lirthei neitu 58,000 chuang notice kan pe a, December 12, 2023 ah khan mi 5,800 dang chhiah pe lo an awm belh leh," a ti a, chhiah pe lo; an lirthei chetsualn avanga harsatna tawk an tam thu a sawi.