Fake account hmanga tualthattu ang lek leka mi puhtu man a ni
Facebook-a fake account, 'Tlangval U Hranga' tih hmanga chief minister Lalduhoma tualthattu ang lek leka puhtu J Rosangpuia @ Spa Jongte (40), Falkland Veng chu February 5, Thawhṭanni zan khan Cyber Crime Police-te'n an man.
J Rosangpuia thu post chungchangah hian nikum khan court-ah criminal complaint thehluh a ni a, court chuan chhui chiang turin Cyber Crime Police-te a hriattir. Hun eng emaw chen an chhui hnuah Tlangval U Hranga tia thu post-tu hi J Rosangpuia a ni tih finfiah niin, police-te chuan an man ta a ni.
Nimin khan J Rosangpuia hi bail tum a ni a, police lamin thuzawhfiah atana kawl an la duh avangin an bail thei lo.
J Rosangpuia hian Tlangval U Hranga tih hmangin December 7, 2013-a nunna chân Sihhmui khaw mi chu Lalduhoma thah anga ngaih theih turin a tarlang.
A tarlan dan chuan Lalduhoma hi a ṭhiante pahnihin Sihhmuia an huanah silai an inkahsiak a, silai an kahna hmun hi nunna chânta awmna ep chiah metre 70 vela hla a ni.