Ruihhlo do dan tur hmeichhiate'n ngaihtuah

Social Welfare and Tribal Affairs, Women & Child Development (SWTAWCD) department chuan nimin khan Aijal Club-ah Mizorama kohhran hrang hranga hmeichhe hruaitute leh MHIP Gen.Hqrs hruaitute pualin kohhran leh inchhung khura ruihhlo dona dan tur leh ruihhlo ngaite enkawl dan turah inràwnkhawmna an buatsaih a, SWTAWCD minister Lalrinpuii'n a hmanpui.

Inràwnkhawmna hi SWTA director Dr Lalhriatzuali Ralte-in a kaihruai a; MSDRB CEO Lalhlupuii Sailo-in Mizorama naupang leh ruih theih thil inkaihhnawihna (Child Drug Survey) chungchang a sawifiah. MSDRB aiawh Vanlalhruaii'n kohhran leh pawl ṭheuha ruihhlo dona leh ruihhlo hmansual laka invenna kawnga hmalak dan tur a tarlang.

Tarlan danin, kum 2022-a Mizorama sikul 122-a kum 10-17 inkar zirlai 10,733 zir chiannaah zirlai tam zawkin ruih theih thil eng emaw tal vawi khat tal an ti tawh a ni.