Fisheries leh CYMA-in thuthlung ziak

Fisheries minister Lalthansanga pisaah nimin khan Fisheries department leh Central YMA ten luia nungchate inthlah pun zel theih nan leh awmze nei leh ṭha zawka humhalh a nih theih nan thawhhona thuthlung an ziak. Mizoram Fisheries Act, 2002 leh Mizoram Fisheries Rules, 2019 hnuaiah mi 27 hrem an nih tawh thu tarlan a ni.

Thawhhona thuthlungah hian Fisheries director F Vanlallawma leh CYMA president Lalhmachhuana ten hming an ziak. Thawhhona hi kum hnih chhung atan ziah a ni a, chhunzawm zel theih tura duan a ni.

Mizoram Fisheries Act, 2002 leh Mizoram Fisheries Rules, 2019 chuan phalna nei loa luia nungchate man leh an chenna hmun tibuai te, tibawlhhlawh zawnga hmalak a khap. Kum 2021 khan luia nungchate humhalh turin thawhhona thuthlung ziah a lo ni tawh a, thawhona hmasa chhung hian Mizoram Fisheries Act leh Rules hnuaiah dan bawhchhia mi 27 hrem an ni.