Mamit MJA-in inkhawmpui an hmang

30th January, 2024

Mizoram Journalists' Association (MJA), Mamit District chuan nimin khan Mamit Press Club-ah Annual Conference vawi 16-na an hmang a; Rorelnaah Mamit district-a sorkar hmalakna hrang hrang a tam thei ang ber tlawh an rêl.

MJA Mamit District Annual Conference hi an vice president Lalhuma'n a kaihruai a, president Pu C Lalramdinzela'n thu a sawi a, General Secretary leh Treasurer ten report an pe bawk.

Kum 2024-2026 chhunga Mamit district MJA hruaitu turte an thlang a; president-ah Lalhuma, vice president-ah RD Darthanzauva leh treasurer-ah P Lalchunglura te an thlang a ni.