Apparel-garment centre Nagaland-ah hawn a ni

Union Minister of State for Textiles Santosh Kumar Gangwar chuan Thawhlehni khan thawmhnaw siamna tur, Apparel and Garment Centre chu District Industries Centre Complex, Dimapur-ah a hawng. He hunah hian Nagaland Chief Minister TR Zeliang pawh a tel a ni.

Santosh Kumar Gangwar chuan Nagaland-a thawmhnaw siam chhuahna bun a ni ta chu a lawmpui thu a sawi a, state tan hmasawnna a thlen ngei a rin thu a sawi. Sorkar laipui chuan Nagaland-a ṭhalai hna nei lo tam tak an awm chu a ngaimawh tih a sawi a, Apparel and Garment Centre hawn chuan ṭhalai te tan hna tam tak a siam sak dawn a ni, a ti. Prime Minister Narendra Modi chuan December 1, 2014 khan Apparel and Garment Centre din a nih tur thu hi a lo sawi tawh a ni.

Center-a hna thawk tur te chu trai-ning pek phawt an ni dawn a, hostel changtlung tak pek an ni bawk ang.

Minister Gangwar hian Mokok-chung district-a Muga P3 Basic Seed Station dinna tur lungphum a phum bakah, NERTPS hnuaia Integrated Eri Silk Development Project for women empowerment leh sustainable livelihood, Kohima district-a din tur te chu a enpui bawk. Sorkar laipui chuan Nagaland-a eri, muga leh mulberry sericulture project kalpui mek chu a thlawp tih a sawi a bawk.