Goalpara-ah bomb a puak

Lower Assam-a Goalpara district-ah Thawhlehni khan bomb a puak a, hriat theih chinah thi pathum an awm tawh.

Dudhnoi-a BJP office bula bomb puakah hian hliam pakhat chu Guwahati Hospital panpui a nih hnuah a boral ve leh a, he bomb puak avanga thi zat chu pathum an ni tawh a, thi hi an la punbelh theih thu thuneitute chuan an sawi.

Hliamte hi Guwahati Medical College Hospital dahluh an ni. Thi zingah hian All Assam Bengali Yubo Chatra Federation’s Goalpara district Pre-sident Bapan Saha pawh a tel a, a ni bakah hian, mi 21 te chuan hliam an tuar. Hliam tuar zingah hian police pali an tel a, United Liberation Front of Assam Independent (ULFA(I)) te chetna a nih rin a ni. Bomb hi BJP office bul lawk Dudhnoi traffic police point-ah tihpuah a ni.