Assam-a KMSS hruaitu a bâng

Assam-a Krishak Mukti Sang-ram Samiti (KMSS) adviser Kamal Medhi chuan KMSS founder leh a thawhpui ni bawk Akhil Gogoi chu 'dictator' ang maia kala puhin a bâng a, a rual hian midang pathum te chuan banna an thehlut ve bawk.

Gawahati-a press conference a neihah, Medhi chuan KMSS chu a dinna ngaiah ding loin a kalpeng tawh nin a sawi. Akhil Gogoi chu dictator ang maiin a che a, a sawi ang apiang chu zawm tura ngaih a ni, a ti. Gogoi-a ngaihdan ṭawmpui lo te chu an pawl atang hian a ban zel niin a sawi.

Medhi chuan KMSS chhuahsan chungchang hi hun eng emaw chen ngunthluk taka a ngaihtuah hnuah thutlukna a siam chauh niin a sawi. Medhi bakah hian Ghaziur Rahman, Rakesh Chakraborty leh Subrata Talukdar te chuan KMSS hi an chhuahsan bawk.