Manipur-ah bomb puak

Manipur-a Imphal Municipal Corporation (IMC) Chairperson Aribam Nimai Sharma chenna in bulah Thawhlehni zan khan bomb a puak. Bomb puak avang hian hliam an awm lo a, mipui tam tak chu thil thlenna hmunah hian an pungkhawm nghal. Aribam Nimai Sharma hi Yaiskul Constituency-a Ward Number 18, Imphal East Mayor ni lai a ni.

Police te chuan bomb puahna hmun hi an thleng ve nghal thuai a, mi pathum te chuan bomb puah hnu hian Bolero-ah chuangin helai hmun hi an chhuahsan thuai a, an zingah hian hmeichhia pawh a tel niin report chuan a tarlang. Porompat Police Station chuan hnu chhui hna hi a thawk nghal a ni.

RK Napoleon, Amudon Akham Leikai leh Angom Punilkumar, Porompat Thawanthaba Leikai Imphal East te chu police ten thu zawh fiah turin an la. Police-te chuan RK Napoleon-a motor atang hian silai leh a mu an mansak.