Mizo khawl siam 'patent' a ni

Zoramchhana, Chhungte, Champhai district-in tui pump-na khâwl a siam chhuah chu sorkar laipuia Patent Office chuan dân ang taka neitu nihna a pe a, nimin khan patent certificate tihchhuah a ni.

Zoramchhana khawl siam an ziah luhna hming chu 'Device for automatically switching water pumps motor' tih a ni a, hmun hniam zawk aṭanga hmun sang zawka tui pump-naah, mihringin a vil (on/off) ngai loa amaha on/off thei a ni.

Patent Information Centre, Mizoram Science, Technology & Innovation Council (MISTIC) chuan, automatic water pump khawl hi chi hrang hrang a awm tawh a, mahse, Zoramchhana siam ang tak chu khawvelah a la awm lo tih an tarlang.

MISTIC Patent Information Centre hian Zoramchhana'n a khawlah neitu nihna a chan theih nan hma an lakpui thu an tarlang a, mi dangte pawh puih zel an inhuam hle thu an tarlang bawk.