MPCC-in hma la turin sorkar an ngen

MPCC chuan thuchhuah siamin, total lockdown a nih chhunga Mizorama cheng ei tur nei lo an awm loh nan hma la turin Mizoram sorkar an ngen.

Mizoramah Covid-19 a thleng ta chu pawi an tih thu tarlangin MPCC chuan, "Amah leh a chhungte an 

ṭhat zel theih nan duhsakna kan hlan. Mizoram sorkar hmalaknate kan thlir reng a, kan dinhmun ngaihtuahin a 

ṭha thawkhat viau niin kan hria. Duhkhawp lohna ṭhenkhat kan neih erawh au chhuahpui ngei a ṭha kan ti thung," an ti.

MPCC chuan, lockdown avangin khawpui leh thingtlang mipui zingah ei tur nei mumal lo, leina tur nei lo an awm ṭan tih hriat a nih thu sawiin, "Local level task force-te'n an theih dan ang angin anmahni sum neih sa bakah kohhran/NGO leh mi tlawmngaite pêk khawm hmangin an ṭanpui a, mi eng emaw zat ei tur an pe tawh a ni," an ti a; mi dangte ṭanpui chu Mizote tih tur ni mah se, sorkar tan mualphonaa an ngaih thu an sawi.

Mizoram sorkar leh sorkar laipuiin Covid-19 laka invenna atana lockdown an puan leh dan leh thupek kenkawh hna local level task force kuta dah a ni chu ṭha an tih loh thu leh, police leh a kaihhnawih department-te kuta dah ni se ṭha an tih thu an tarlang bawk.



Share this Post

Login to comment
No Comments