Mi 60,549 endik a ni tawh

Nimin chhun dar 12 thleng khan Mizoramah Covid-19 laka invennaa hmalaknaah mi 60,549 endik (screen) an awm tawh a, chung zinga mi 523 chu nimina enfiah an ni.

Sorkar thuchhuah tarlan danin, nimin khan mahni in lama khung hrang (home quarantine) thar mi 100 an awm a, India ram páwn aṭanga rawn haw mi pariat leh India ram chhung 

aṭanga lut mi 92 an ni a; home quarantine tawh zawng zawng chu mi 2,581 an ni. Damdawi-ina khung hran (isolate) mi pali an awm mek a, chu'ngte chu Covid-19 vei finfiah tâk pakhat leh a chhungte an ni a; throat sample test tawh 16 zinga 15 chuan Covid-19 an kai lo tih finfiah a ni tawh bawk.

Nimin chawhnu dar 2 thleng khan Mizoram pâwn aṭanga rawn lut Mizoram hmun hrang hranga quarantine centre-a la awm mek mi 42 an awm. Sorkar hotute aṭanga thu dawn danin, Mizoram páwn aṭanga rawn lutte zinga mi 53 chu quarantine centre-ah dah an ni tawh a, mi 11 chu hawtir tawh niin, mi 42 an la awm a ni. Quarantine centre-a la awm mekte chu - Lengpui damdawi-inah mi pariat leh YHAI-ah mi 35 an ni.



Share this Post

Login to comment
No Comments