Governor leh sipai lal inkâwm

Governor Dr Hari Babu Kambhampati chu Indian Army III Corps general officer commanding Lt. Gen. Harjeet Singh Sahi nen nimin khan Raj Bhavan-ah an inkâwm.

Lt. Gen. Harjeet Singh Sahi hian India hmarchhak biala India armed force-te hnathawh leh mawh­phurhnate a tlangpui Governor a hrilh a; tunlaia hmarchhak biala sipaite hnathawh kaihhnawih leh ram venhimna kaih-hnawih thila hmarchhak bial dinhmun leh Mizo-ram chungchangte a sawipui bawk.

Indian Army-a III Corps hi Spear Corps tih a ni bawk a, a hmunpui chu Dimapur, Nagaland-ah a awm. India hmarchhak state-ah Army corps pahnih a awm a, III Corps bakah hian IV Corps awmin, Gajraj Corps tih a ni bawk a, a hmunpui chu Tezpur, Assam-ah a awm a ni.