Adviser to CM ruat belh a ni

Mizoram sorkar chuan adviser to chief minister atan Mizoram University-a assistant professor Dr KC Lalmalsawmzauva a ruat belh. Hemi chungchangah hian DPAR (GSW) chuan nimin khan hriattirna a tichhuak a ni.

Dr KC Lalmal­sawmzauva hi Adviser to CM (Implementation of Hand-holding Policy) a ni dawn a, minister of state tlukpui a ni ang. Hlawh leh hamṭhatnate chu minister of state-in an chan ang a dawng ang a, state sorkar pek tur a ni.

Heti hian Chief Minister-in adviser panga a nei ta a; a hmain MLA pali - Lalmuanpuia Punte, TBC Lalvenchhunga, Dr Lorrain Lalpekliana Chinzah leh H Ginzalala te ruat an lo ni tawh.