Final-ah Satwik-Chirag te vanduai

Badminton inelna Malaysia Open khelh zawh takah, nimin tlai khan mipa doubles final khelh niin Satwiksairaj Rankireddy leh Chirag Shetty te chu Liang Wei Keng leh Wang Chang te lakah an chak lo.

India tlangval pahnihte hi an khel a hmuhnawm ṭhin a, tun ṭumah pawh hian an champion leh mai rinna a lian hman, game hmasa ber pawh an la. Mahse, Chinese tlangval ten game hnuhnung pahnih lain world number 2 Satwik-Chirag te hi 9-21, 21-18, 21-17 in a vanduai zawkah an ṭang.

Mipa singles inelna lamah Denmark tlangval Anders Antonsen chuan a khingpui Shi Yuqi chu minute 54 chhungin 21-14, 21-13 in a hneh a, a vawi khat nan Super 1000 title a la. Olympic awm kum a nih avangin a tan boruak a nuam khawp ang tih a rin theih.

Hmeichhe inelna lamah chuan An Se-young chuan Tai Tzu Ying lakah 21-10, 10-21, 21-18 a hnehna changin a champion ve bawk. Player pahnihte hi BWF World Tour semifinal khan an lo intawng tawh bawk a, an intawn hnuhnunga chak Tzu Ying chu tun ṭumah hian a tlawm zawkah a ṭang ve thung.