Power & Electricity (P&E) minister R Lalzirliana chuan, Covid-19 vanga Mizorama partial lock-down a nih chhungin chatlak loa kawlphetha a awm reng theih nan P&E department-in theihtawp an chhuah dawn tih a sawi.

R Lalzirliana ho hian P&E depart­ment hotute'n nimin khan Covid-19 vanga Mizoramin harsatna a tawh loh nana an hmalakna tur an sawiho a; P&E chu mipui mamawh kawlphetha chatlak loa pe tura hma latu an nih avangin lock down chhung pawhin ni tin hna thawka chhuak lo thei lo an nih thu sawiin minister chuan, "A ṭul angin department office-te hawn a ni a, mipuiin harsatna an tawh loh nan staff duty dan tur mumal taka siam a ni," a ti.

P&E Minister chuan, electric bill pekna counter-te khâr rih a ni avangin, internet service ṭhatna hmuna awmte chu online-a bill pe mai turin a ngen a ni.

Share this Post