Vawiin aṭangin Inter District Junior C'ship

MFA Inter District Junior Boys Football Championship 2023-24 chu nizan khan Chanmari YMA Hall-ah kickoff a ni a, vawiin aṭangin RG Stadium-ah khelh ṭan a ni dawn.

Inelna hi Aizawl District Football Association-in a thleng a; RG Stadium-ah hian group match zawng zawng, semifinal leh final bakah quarterfinal match hnih khelh a ni dawn. Quarterfinal match hnih dang hi 1st Bn. MAP Ground, Armed Vengah khelh a ni ang.

Inelnaah hian MFA hnuaia district 11 chu group paliah ṭhendarh an ni. Group tin aṭangin pahnih ṭheuhin quarterfinal an lut ang. Group stage hi January 19, Zirtawpniah khelh zawh a ni dawn a, knockout stage hi January 22, Thawhṭanniah khelh ṭan a ni dawn. Final hi January 26, Zirtawpniah khelh tur a ni.