BSF-in thiamhnáng deh zirna buatsaih

Border Security Force (BSF) 38th Battalion chuan Civic Action Programme hnuaiah nimin khan Rajivnagar Higher Secondary School-ah kut themthiamna lam, thiamhnáng (handicraft) deh zirna an buatsaih a, 38th Bn. BSF Commander-in a hawng.

Thiamhnáng deh inzirtirna hi ṭhalaite leh naupang zawkte'n eizawnna tlâka thiamhnang deh an thiam theihna tur leh ramri hnaih thingtlang khaw mite tihhmasawnna tura tih a ni a; Rajivnagar leh a chhehvel khua aṭangin mi ṭhahnem tak an tel.

38th Bn. BSF hian Rajivnagar-I, Rajivnagar-II leh Tuipuibari khuaah football, football goal net, volleyball, volleyball net, puantah khawl, tuizem, plastic chair leh dawhkân, school bag, bawlhhlawh báwm leh pedestal fan eng emaw zat an sem bawk.