UDPA Minister-in Aizawl Lungdawh a hawng

Aizawl Smart City Project-in an siam, Entrepreneurship Development Centre, Incu­bation Centre and Start Up Hub leh Aizawl Lungdawh te chu December 20, Ningani zan khan UDPA minister K Sapdanga'n a hawng.

Mizoram Start Up Hub chu cheng nuai 405 sênga sak niin, conractor chu Allied Concern, Dawrpui a ni a, June 26, 2023-ah thawk tanin, November 30-ah zawh a ni. Aizawl Lungdawh siamna atan cheng nuai 328 ruahman a ni a, Unique Consul­tancy, Dawrpui Vengthar-in January 25, 2023-ah an thawk ṭan a, November 23-ah an zo a ni.

K Sapdanga chuan, "Sorkar hmasate remhriatna leh thawhrimna zár kan zo tlâng a, UDPA minister hmasa Pu Tawnluia thawhrimna leh inpekna bakah, official-te inpekna a chhuanawm hle. Aizawl khawpuiah motor hûnna a harsatzia kan hria a, mechanical parking kan nei ta hi a lawmawm hle a, nakin lawkah Zodinah car parking lian zawk hawn a la ni mai turte hi a lawmawm hle a ni," a ti a; Aizawl Lungdawh leh hmunhma dangte chu dimdawi taka hmang turin mipui a chah.

Hawnna inkhawm hi UDPA secretary Lalmalsawma Pachuau-in a kaihruai a, Aizawl Smart City chief executive officer C Lalchhuangkima'n chanchin tlangpui a sawi. Minister dang Dr Vanlalthlana, B Lalchhanzova leh Lalnghinglova Hmar ten thu an sawi bawk.