NCT single thar 'Marine Turtle' teaser image a chhuak

South Korean boy band, NCT chuan an ram huna December 3 zanlai khan a single thar tur, 'Marine Turtle' teaser image hmasa ber an tichhuak.

SM Entertainment chuan teaser image hi a rawn dah chhuak a ni. 'Marine Turtle' hi December 6-ah tlangzarh a ni dawn a, he hla hi NCT member pali - Renjun, Chenle, Xiaojun leh Kun-ten an sa dawn a, SM Station 'NCT LAB" project a mi tur a ni. NCT hi kum 2016-a din niin, member 26 awm mekin sub-unit paruk - NCT U, NCT 127, NCT Dream, WayV, NCT DoJaeJung, leh NCT New Team-ah ṭhen an ni. Kumin May thla thleng khan NCT-a sub-unit hrang hrangte album sale hi mtd 32 a chuang tawh a, SM Entertainment hnuaia album hralh tha ber leh, K-pop artist zingah pawh sales nei ṭha ber zingah an tel a ni.