Box office lamah Rabir Kapoor channa 'Animal' a bon

Bollywood star, Ranbir Kapoor channa 'Animal' chu India ram chhungah chauh ni lo, ram pawn lamah pawh a che bon chho hle.

'Animal' hian worldwide box office-ah ni hnih chhungin Rs vbc 230 a la lut thei a, North America bikah pawh USD mtd 5 dawn a la lut tawh a, Hindi film zingah hetiang dinhmun thleng thei an la awm lo. December 1-a tlangzarh, Sandeep Reddy Vanga film siam hi Hindi film, non-holiday release zingah che ṭha ber a ni der tawh a ni. He film hi pafa inlaichinna chungchang a ni a, Ranbir Kapoor-a paah hian Anil Kapoor a chang a ni.Anni bakah hian Rashmika Mandanna leh Bobby Deol-te pawhin role pawimawh tak an chang bawk.