Pawl 7-in thisen unit 237 an pe

December 2, Inrinni khan Mizoramah pawl pasarihin hmun hrang hrangah thisen unit 237 an pe. Aizawl Hospital, Aizawl tan Adventist Youth Federation-in unit 61 pein, petute mipa 55 leh hmeichhia paruk an ni a, KṬP, Dinthar Branch-in unit 41 pein, petute mipa 37 leh hmeichhia pali an ni. Mimala a thlàwna pe (individual voluntary donor) mi 43 an awm bawk.

KṬP, Lily Veng Branch-in an kohhran hall-ah Synod Hospital tan unit 23 an pe a, petute mipa 20 leh hmeichhia pathum an ni. KṬP, New Diakkawn Branch-in Kolasib District Hospital tan unit 15 an pe a; KṬP, Serchhip Bazar Branch-in District Hospital-ah unit 15 an pe a, petute mipa 11 leh hmeichhia pali an ni.

ṬKP, Mualṭhuam North Pastor Bial-in BCM Mualṭhuam North RC Hall-ah Lunglei Civil Hospital tan unit 47 an pe a, mipa 36 leh hmeichhia 11 an ni a; Evangelical Church of Maraland KTP-te'n Siaha District Hospital tan unit 35 an pe a, petute mipa 27 leh hmeichhia pariat an ni.