West Ham an tlang

Europa League-ah West Ham chuan Ningani zan khan 1-0 in Backa Topola an hneh a, Serbian club lakah Tomás Soucek chuan inkhela goal awmchhun hi khungin, knockout round an lut chiang.

European football-a club inelna sang ber dawttuah hian group hmahruaitute chauhin last 16 an lut nghal dawn a, pahnihnaten Champions League aṭanga tla thlate nen playoff khelin last 16 lut tur an zawng leh ang.

West Ham hian playoff chu an khel dawn chiang tawh a, pakhatna dinhmun erawh an la sawh nghet lo - group stage match hnuhnung berah SC Freiburg laka point an hlawhchhuah chuan group hmahruaitu an ni chiang ang a, last 16 an lut ang.