MṬKP-in ṭawng humhalh tura hmalak an rêl

Mizoram Ṭhalai Kristian Pawl (MṬKP) Rorel Inkhawm vawi 66-na chu nimin khan BCM Serchhip biak-inah neih a ni a; Mizo ṭawng humhalh leh tihhmasawn a nih theih nana hmalak an rêl.

MṬKP rorel inkhawm hi president Rev. Vanlalmuankima'n a kaihruai a, rorel palai 467 an tel. "Mizo ṭawng humhalh leh tihhmasawn a nih theih nan MṬKP-in hma la rawh se," an ti. Nakkum MṬKP rorel chu BCM biak-in, Electric Veng, Aizawlah neih a ni dawn a, MṬKP Inkhawmpui, 2022 chu Lunglawn Pastor Bial ṬKP-te'n an thleng ang.

MṬKP-ah hian pastor bial 85-ah unit 427 an awm a, member mipa 28,944 leh hmeichhia 18,050, an vaiin mi 46,994 an awm mek. Kum 2019 chhungin ṬKP member mi 144 an thi a, chu'ngte chu mipa 114 leh hmeichhia 30 an ni.

 MṬKP thurel tlangpui :

•Mizoram chhung leh pawna Baptist ṭhalai pawl dangte nena rawngbawlna leh thawhhona kawng zawn.

•Kum 2020 chhunga MṬKP Inkhawmpui 2022 dawltu ṭanpui nan unit tin vawi khat fehchhuah neih.

•Mizo ṭawng humhalh leh tih hmasawn a nih theihnan MṬKP in hma la rawh se.

•Pathianin min siam chhan dik tak, mipa leh hmeichhia nihna (gender identity) chungchang inzirtirna MṬKP huapin neih nise.

•Baptist Church Orphanage (BCO) ṭanpuina atan inkhawm vawikhat thawhlawm pek.



Share this Post

Login to comment
No Comments