Bengaluru-ah goal a sur

Ningani zan Indian Super League inkhelah Bengaluru chuan Punjab FC an mikhual a, goal ruk ngawt a lut. Mahse, chak zawk an awm lo a, team pahnih hi 3-3 in an inhnehtawk.

I League champion Punjab hian 3-1 in hma an hruai hman a, mahse, Bengaluru-in an sut zo - mikhual team tan Nikhil Prabhu chuan minute 19-na lekah goal hmahruai a khung a, minute hnih hnuah Harsh Patre chuan a sut.

Punjab hian Dimitris Chatziisaias leh Luka Majcen hmangin an khung leh a, 3-1 a ni. Mahse, first half hun pek belhah Curtis Main chuan Bengaluru tan goal khat a khung ve leh a, Javi Hernandez chuan minute 67-naah si phurh a sut zo - Punjab tan hian Brandon VL Remdika chu bench aṭangin luhtir a ni.