Extension Education Institute North Eastern Region, Jorhat leh State Agricultural Management & Extension Training Institute (SAMETI), Agriculture department-te chuan nimin khan Tourist Lodge, Chaltlangah 'Workshop on implementation of central sector schemes and training planning of Extension Education Institute North East Region and SAMETI's of NE state' an buatsaih a, Agriculture minister C Lalrinsanga'n a hawng.

Workshop hi hmarchhak state pariat­te leh West Bengal tana buatsaih a ni a; a tum chu - agriculture leh a kaihhnawih horticulture, veterinary, fisheries leh sericulture kaltlanga Central sector schemes-te hmarchhak state hrang hranga kalpui dan thlirho te, hlâwk leh awmze nei zawka scheme kalpui dan tur ngaihtuahte leh, kum 2020-21 chhunga state-te'n agriculture leh a kaihhnawihah training an mamawh dante thlirho a ni.

Workshop-a tarlan danin, sorkar laipuiin Extension Reform Scheme a nei a, chu chu Mizoramah pawh 2005 aṭang­in Agriculture department-in a kalpui tawh. Kum 2011-ah thawktu tharte lain hmalakna zau zawka kalpui a ni.

Share this Post