MOA-in National Games-a medal tam zawk la turin hma la dawn

Mizoram Olympic Association (MOA) chuan nimin khan Secretariat Conference Hall, MINECO-ah executive meeting an nei a, National Games-a medal tam zawk an lak theih nana hma tam zawk lak theih nana inbuatsaih ṭha neih ṭha an ti.

37th National Games, Goa a neih zawh takah khan sports discipline 43 chu hmun 20-ah inelna neihpui a ni a, state 28 leh UT pariat telin infiammi kalkhawm hi 11470 an ni.

Mizoram hian gold leh silver medal pahnih ve ve an la. National Games-a medal late hi sorkar incentive scheme angin gold-ah nuai ruk leh silver-ah nuai li te pek an ni ang. National Games hi nakkumah neih lehnghal tur a ni a, 38th National Games hi Uttarakhand ah neih tura ruahman a ni.

3rd North East Olympic Games 2024 chu Nagaland-ah neih a ni dawn a, MOA chuan tel ṭha tiin medal tam zawk lak theih nan state pawn-a Mizo players awmte pawh Mizoram aiawha an tel theih nan hma an la dawn.

MOA hian record fel fai taka neih ṭha a ti a; kum 1987 aṭanga Olympic Games, Commonwealth Games, Asian Games, SAFF Games leh National Games leh North East Olympic Games-a medalist leh Official te list fel tak siam turin committee an din nghal bawk.