Mizoram sorkar chuan Vehicle Outsourcing Policy a kalpui tawh dawn tih a puang. Vehicle Empanelled List Phase-I siam tawh niin, vehicle outsourcing provider 33 tihfel a ni tawh.

Sorkar thuchhuah tarlan danin, Vehicle Outsourcing Policy kalpui a, sorkar lirthei atana mimal lirthei hmanna turah hian Vehicle Empanelled List Phase-I siam tawh niin, vehicle outsourcing provider 33 tihfel a ni tawh a; hre chiang duh chuan General Administration Department pisa, Secretariat-ah emaw, GAD website www.gad.mizoram.gov.in ah en theih a ni.

Vehicle outsourcing atana lirthei hmantir duh tan dilna thehluh theih reng a ni a; Mizoram sorkara department/office vehicle outsource turte chuan GAD-ah pawmpuina lak hmasak tur a ni. Empanelment dilna leh vehicle outsource dilna chu online-a kalpui theih tura hmalak mek a ni.

Share this Post