Chêtsualna vangin mi pahnih thi

November 27, Thawhṭanni leh November 28, Thawhlehni tlai leh zan khan chetsualna avangin tlangval pahnih an thi a, nimin khan vui an ni.

Zomuanpuia (37) s/o Lalhmachhuana, Venghlui, Aizawl chu November 27, Thawhṭanni zanah Serzawla an dilah chesualin a thi. Thu dawn danin, Zomuanpuia hi a chhungte nen Serzawla an huanah November 27 khan an kal a, zan lama huan dila an inchiah dài chu a chesual a, zanlai pelh hnu dar 1:30 (Thawhlehni) velah a ruang hmuh a ni.

November 28, Thawhlehni tlai dar 3:20 vel khan Lalrinmawia (21) s/o MS Dawngzuala, Saitual Hmarveng chu Khuangthilkawn Petrol Pump, Keifang bulah bike-in a chesual a, chêtsualna hmunah a hliam tuar loin a thi. Lalrinmawia hi pick-up hnuaiah a inbarh lut nia thu dawn a ni.