Aizawl khawpuia vawk vulh khuahkhirh dan tur sawiho

Aizawl Municipal Corporation (AMC) hotute leh Aizawl City Local Council Association (ACLCA) hruai­tute November 28, Thawhlehnia ṭhukhawm chuan, January 15, 2024 aṭanga chenna in aṭanga ft. 100 aia hnaia vawk vulh khuahkhirh dan tur an ngaihtuah.

AMC hotute leh ACLCA hruaitute ṭhut­­khawm hi Aizawl Mayor pisaah neih a ni a, mayor Lalrinenga Sailo-in kaihruaiin, executive councillor te, AMC Commissioner leh officer dangte leh ACLCA hruaitute an tel.

Ṭhutkhawmah hian AMC-in vawk vulh chungchanga inkhaih­hruaina dan a duante sawiho a ni a; Aizawl khawpuiah chenna in aṭanga ft. 100 aia hnaia vawk vulh khapna, January 15, 2024-a hman ṭan tur chu zâwm ṭheuh turin vawk vulhtu zawng zawng an ngen lâwk a ni.

January 15, 2024 aṭanga Aizawla chenna in aṭanga ft. 100 aia hnaia vawk vulh khap hi June 28, 2023-a AMC Board of Councillors ṭhukhawm chuan an lo rêl tawh a; a taka kalpui a nih hunah chuan vawk vulh chungchanga harsatna bik neite chuan local council aṭanga pawmpuina lain AMC-ah ngaihhnathiamna an dil thei dawn a ni.